“Mənəviyyatsızlara reaksiya verin, ay müvafiq qurumlar…”

“Aparıcılığa savadsız, qeyri peşəkar və idimsizlər, ağzının danışığını bilməyənlər, nitqi qüsurlular belə gətirildi…”

Yenilik.az xəbər verir ki, bunu tanınmış aparıcı İlhamiyyə Rzayevə “Kanal S” televiziyasının aparıcısı Nigar Fərhadın efirdə səsləndirdiyi fikirlərə münasibət bildirərkən deyib.
 
“İctimai qınaq oldu, rəsmi təpki olmadı. Barı ədəbsiz , tərbiyəsiz və mənəviyyatsızlara reaksiya verin, ay müvafiq qurumlar. İşiniz nədir sizin, maaşı nəyə görə alırsınız?”, – deyə aparıcı bildirib.
 
Xatırladaq ki, “Kanal S” televiziyasının aparıcısı Nigar Fərhad “Sözün bitdiyi an” proqramında aşağıdakı fikirləri səsləndirib:
 
“Mənim oğlum olsa, ona atası olmayan bir qızı ala bilmərəm, çünki mən elə doğulduğum ailədən görmüşəm ki, evin kişisi kişi olmalıdır. Kişi xarakterli olmalıdır. Kişi tabeçiliyini anlamayan qadın heç vaxt heç kəsin oğlunu xoşbəxt edə bilməz”.
 
Aparıcının bu fikirləri ictimaiyyət tərəfindən ciddi etirazla qarşılanıb.
 
Audiovizual Şuaradan bildirilib ki, məsələ ilə bağlı araşdırma aparılacaq:
 
“Qanun çərçivəsində müvafiq tədbir görüləcək və əlavə açıqlama veriləcək”.
 
,BakuPost