Bir sutkada iki tender udan şirkət –  “Buta Supply”

Balakən rayon İcra Hakimiyyəti yeni tenderinin nəticələrini açıqlayıb.

Tribunainfo.az xəbər verir ki, Balakən şəhər küçələrinin işlqlandırılması üçün mal-materialın satınalınması həyata keçiriləcək.
“Buta Supply” MMC ilə bağlanılmış satınalma müqaviləsinin dəyəri isə 38 min 965 manat təşkil edib.
Qeyd edək ki, Balakın İcra Hakimiyyəti Balakən şəhər küçələrinin işıqlandırılması üçün mal-materıalın satınalınması 2023-cü ilin martında da bu şirkətlə eyni qaydada anlaşıb. Belə ki, “Buta Supply” həmin vaxt İcra Hakimiyyətinə 26 min 356 manat dəyərində mal və material satıb.
Tribunainfo.az-ın lokal araşdırmasına görə, sözügedən şirkət bu ilin ilk üç ayında 3 tenderin qalibi olub. Həmin tenderlərdən biri Balakən İH-nin keçirdiyi müsabiqədir ki, bu barədə yazının əvvəlində bilgi vermişik. Digər tender isə “Aztelekom” MMC ilə baş tutub. 9 yanvarda əldə olunan anlaşmaya əsasən “Aztelekom” “Buta Suplly” şirkətindən 262 min 856 manatlıq akkumulyator alıb.
“Regional Su Meliorasiya Xidməti” ilə bağlanılmış müqavilənin dəyəri isə 336 min 732 manat təşkil edib. Kondisioner və kombilərin (istilik sistemləri) satın alınmasını ehtiva edən proses bu ilin 8 yanvarında yekunlaşıb.
Bildirək ki, “BUTA SUPPLY” MMC 2019-cu il 2019-cu ildə təsis edilib. Bakı şəhəri, Xətai rayonu, Əhmədli 2-ci, ev 20 ünvanında rəsmi qeydiyyatda olan MMC-nin nizamnamə kapitalı 10 AZN-dir. MMC-nin qanuni təmsilçisi Əliyev Çingiz Akif oğludur.
Bu əsnada açıq mənbələrdən o da məlum olub ki, şirkət bu ilin yanvarında cərimələnib. Buna səbəb isə “Buta Supply” MMC-nin məcburi auditdən yayınması olub.
Yazıda adı keçən tərəflərin də mövqeyini dərc etməyə hazırıq.