Deputat Sumqayıt Tibb Mərkəzindəki pozuntulardan danışıb

Son illərdə Sumqayıt Tibb Mərkəzi, Gəncə birləşmiş xəstəxanası və Kliniki Tibbi Mərkəzdə aparılan uygunluq auditi nəticəsində bir-birini təkrarlayan mahiyyətcə eynilik təşkil edən pozuntuların şahidi oluruq.

Bizim.Media-nın məlumatına görə, bunu deputat Müşfiq Məmmədli parlamentin bugünkü plenar iclasında Hesablama Palatasının illik hesabatının müzakirəsi zamanı deyib.
O, qeydə alınan pozuntuları açıqlayıb:
“Çarpayı sayının eyni qalması və yaxud azalması fonunda ştat sayının kəskin artımı(10-15%), ştat vahidlərində qeyri tibb personalınım 35%-dən yuxarı həddə catması, ştat cәdvәlinin vahid tarif-ixtisas kitabçasına uyğun olmaması nәzәrdә tutulmayan vәzifәlәrin müәyyәn edilmәsi ilә dövlәt vәsaitinә әlavә tәlәbat yaradılması, PHŞ-lərdə qarışıq və natamam iqtisadi idarəetmənin olması səbəbindən əsassız ödənişlərin olması, müəssisələrdə iqtisadi hesabatlılıgın gecikməsi səbəbindən əsas gəlir gətirən həkimlərə həvəsləndici əlavələrin 3-4 ay gecikməsi və Dövlәt әmlakının uçotu vә istifadәsinin düzgün tәşkil edilmәmәsi bir sıra hallarda aktivlәrin әksik vә ya artıq gәlmәsi dövlәt әmlakının sәmәrәli vә funksional fәaliyyәtә uyğun idarә olunmamasıdır”.
O, bildirib ki, xüsusən burada dövlət əmlakının icarəyə və ya autsorsinqə verilməsinə diqqət ayrılmalıdır:
“Bəzi hallarda dövlət əmlakının icarəyə verilməsi zamanı dövlət-özəl tərəfdaşlıgı haqqında qanuna istinad edilsə də, bir daha hörmətli Milli Məclis üzvlərinin nəzərinə catdırıram ki, dövlət-özəl tərəfdaşlıgı layihələri 30 mln AZN-dən yuxarı müqavilələr ücün nəzərdə tutulub, Dövlət tibb müəssisələrinin ərazisi və əmlakının icarəyə verilməsi Azərbaycan qanunvericiliyində nəzərdə tutulmayıb. Həmçinin, İcbari tibbi sıgorta vəsaitləridən dövlət tibb müəssisələrində və ya özəl müəssisələrdə istifadə zamanı iqtisadi cəhətdən əsaslandırılan və rəqabət məcəlləsinin müddəaları nəzərə alınan metodlardan istifadə olunmalıdır”.