Səyyad Arana sual: “Siz 5000-lə dolana bilmirsiz, vətəndaş 285 manatla dolansın?”

Hörmətli deputatımız Səyyad Aranın sözlərindən belə çıxır ki, vətəndaş 285 manatla yaşaya bilər, deputatlar isə 7000 manatla dolana bilmir.

Tribunainfo.az xəbər verir ki, bu sözləri bank üzrə mütəxəssis, hüquqşünas Əkrəm Həsənov deputat Səyyad Aranın sözlərinə münasibət bildirərkən deyib. O qeyd edib ki, heç nə etmədiyi halda deputatlara bu qədər maaş verilməsi heç doğru da deyil:
“Deputat Səyyad Aran deyib ki, 5000 manat maaş alıram, necə qənaət edib maşın alım. Əvvəla, deputat maaşı 5000 deyil, 7000-dən çoxdur. Ən əsası isə 16 dekabr 2024-cü ildə Milli Məclis yekdilliklə yaşayış minimumu və ehtiyac meyarının həddini 285 manat məbləğində müəyyən edib. Yəni hörmətli deputatlarımız hesab edir ki, vətəndaşımızın yaşaması üçün 285 manat kifayətdir. Yəni 7000 manatdan çox maaşı özünə az bilən deputat hesab edir ki, sıravi vətəndaş 285 manatla yaşaya bilər.
Həm də mən başa düşmürəm ki, bizim deputatlara sırf düymə basmağa görə niyə bu qədər maaş verirlər. Axı onlardan hansısı heç olmasa bir qanun layihəsini hazırlayıb təqdim edib? Heç biri! Halbuki, deputatın işi məhz budur: qanunverici olmaq, qanun layihələri hazırlamaq”.