Telefonun enerjisini 100% doldurmaq zərərlidir – Necə olmalıdır?

Smartfon və noutbukların enerjilərinin tez-tez 100%-ə qədər doldurulması onların akkumulyatorlarının aşınmasını sürətləndirir.

Yeniavaz.com xəbər verir ki, bu barədə “Cps-Ural” xidmət mərkəzinin mütəxəssisləri bildiriblər.
Qeyd olunub ki, müasir batareyalarda istifadə edilən litium-ion və litium-polimer batareyalar həddindən artıq yüklənmə səviyyəsinə həssasdır və düzgün işləməməsi onların istifadə müddətini qısalda bilər.

Bəs elektron cihazlarımızın enerji doluluğu hansı səviyyədə olmalıdır?
Mütəxəssislər bildirirlər ki, batareyanın ən böyük aşınması 80-90%-dən yuxarı doldurarkən və 20%-dən aşağı boşaldıqda baş verir.
“Bu səviyyələr arasında daimi dalğalanmalar kimyəvi prosesləri sürətləndirir, batareyanın tutumunu azaldır. Cihaz 100% doldurulduqda və şəbəkəyə qoşulduqda, batareya yüksək gərginlik altına düşür. Bu, onun kimyəvi dayanıqlığını pisləşdirir və yükləmə-boşaltma dövrlərinin sayını azaldır.
Doldurma zamanı cihazdan istifadə isinməyə səbəb olur. Yüksək temperatur batareyanın deqradasiyasının əsas amillərindən biridir”, - mütəxəssilər qeyd edirlər.

Batareyanın ömrünü necə uzatmaq olar?
Mütəxəssislər bu qaydalara riayət etməyi məsləhət görürlər:
Şarjı 20-80% arasında saxlayın.
Məsələn, smartfonunuzun enerji doluluğu 30% olarkən qoşun və onu 80% olan zaman şəbəkədən ayırın.
Həddindən artıq istiləşmədən çəkinin. Şarj edərkən smartfonunuzu ağır işlərdə (oyun, yayım) istifadə etməyin. İstiliyin yayılmasını asanlaşdırmaq üçün şarj edərkən üzərindəki qoruyucunu çıxarın.
Cihazı sərin yerdə, birbaşa günəş işığından uzaqda doldurun.
Keyfiyyətli şarj cihazlarından istifadə edin. Orijinal və ya sertifikatlaşdırılmış adapterlər gərginliyin dəyişməsinin qarşısını alır.