Daha bir məşhur həkimin tibb təhsili yoxdur – İDDİA

“Atlas Medical Center”də fəaliyyət göstərən onkoginekoloq Turanə Nəsibovanın tibbi təhsili olmadığı iddia olunub.

Yenilik.az xəbər verir ki, bu barədə oxu.az-a ünvanlanan şikayətdə qeyd edilib.
Bildirilib ki, sözügedən şəxsin tibbi fəaliyyət göstərə bilməsi üçün nəinki ali, heç orta ixtisas təhsili də yoxdur.
 
Məsələ ilə bağlı Oxu.Az-ın sorğusuna cavab olaraq Səhiyyə Nazirliyi Analitik Ekspertiza Mərkəzindən (AEM) bildirilib ki, Azərbaycan Respublikasında praktik tibb fəaliyyəti ilə məşğul olmaq hüququ olan həkimlər və orta tibb işçiləri barədə məlumatlar Səhiyyə Nazirliyinin “Tibb kadrlarının vahid reyestri”ndə əks olunur. Sözügedən reyestrdə Turanə Nəsibova ilə bağlı hər hansı məlumat yer almır.
 
Turanə Nəsibova və “Atlas Medical Center” ilə əlaqə saxlamaq mümkün olmayıb.