Bu enerji içkilərinin ixrac rüsumu artırılsın, insanlar ala bilməsin! — TƏKLİF

Enerji içkilərinin üzərində də yazılıb ki, 18 yaşına qədər olan şəxslərə, xəstə insanlara içmək olmaz. Məntiqlə yanaşaq, necə ola bilər ki, xəstə adama zərərli olan içki sağlam adama zərərsizdir?”.

Bunu Demokrat.az-a açıqlamasında Azad İstehlakçılar Birliyinin sədri Eyyub Hüseynov deyib.
O bildirib ki, tələbat olduğu üçün bu məhsullar qadağan edilsə də, ölkəyə gətirənlər tapılacaq:
“Nə etmək olar? Əgər Azərbaycana bu məhsulları gətirməsələr də, tələb olduğu üçün mütləq hansısa yollarla onu gətirəcəklər. İstehlakçıların bu içkilərdən minimum az istifadə etmələri tövsiyyə olunur. Təssüf ki, insanlar bu içkilərə öyrəşirlər və çox miqdarda qəbul etməyə başlayırlar.
Bu məhsulların ixrac rüsumları artırıla bilər. Qiymətləri artsın ki, əlçatanlıq azalsın. Bu məsələdə geniş maarifləndirmə işləri lazımdır ki, istehalakçılar tələbat yaratmasınlar, əsas budur”.
Qeyd edək ki, Azərbaycana “Bizon” və digər enerji içkilərini əsasən iş adamı Ceyhun Abbasovun rəhbərlik etdiyi “Avrora” şirkəti gətirir.