Prof. Dr. Umair Shahzadın “Machine Learning” üzrə xüsusi kursu başa çatdı

Tanınmış alim Prof. Dr. Umair Shahzad tərəfindən Qərbi Kaspi Universitetin Kompüter mühəndisliyi ixtisasının tələbələri üçün “Machine Learning” fənni üzrə iki həftəlik xüsusi kurs başa çatıb.

Kurs çərçivəsində tələbələrə “Machine Learning”in (maşın öyrənməsinin) əsas anlayışları, alqoritmləri və real tətbiq sahələri təqdim edilib, həmçinin praktiki nümunələr üzərində işləmə bacarıqları aşılanıb.
Xüsusi kursu tam şəkildə dinləyən tələbələr sertifikatlarla təltif olunublar.
Məlumat üçün bildirk ki, Prof. Dr. Umair Shahzad Qərbi Kaspi Universitetinin Mexanika və Riyaziyyat şöbəsində professor və universitetin Beynəlxalq Materialşünaslıq və Texnologiya Mərkəzində tədqiqatçı kimi fəaliyyət göstərir. Scopus bazasında indekslənmiş 49 elmi məqalənin müəllifidir, əsərləri 585 sitat toplayıb və onun H-indeksi 13-dür. Onun tədqiqat sahələri çoxşaxəlidir və Ümumi Nisbilik və Kosmologiya, Qara Dəlik Fizikası, Astrofizika, həmçinin Maşın Öyrənməsi və Dərin Öyrənmə kimi istiqamətləri əhatə edir.
Qərbi Kaspi Universiteti beynəlxalq səviyyəli mütəxəssisləri tələbələrlə bir araya gətirməklə onların akademik inkişafına davamlı şəkildə dəstək olur.