Sumqayıt bağçasında məsuliyyətsizlik - UŞAQ XƏSTƏXANALIQ OLDU

Sumqayıtda fəaliyyət göstərən bağçadan şikayət var. 

Sumqayit24.az-a daxil olan məlumata görə, 55 saylı uşaq bağçasında bayram tətilindən sonra istilik sistemi işləmir. 
Şikayətçilərin sözlərinə görə, uşaqlar bağçanın soyuq olduğunu dedikdən sonra məsələdən xəbərdar olublar. 
"Sonradan müəllimlər qrupa səs atdılar ki, uşaqları bağçaya gətirərkən qalın geyindirək. Hazırda bağçadakı istilik problemi səbəbindən xəstəxanadayıq. Uşağımın hərarəti yüksəkdir və dayanmadan öskürür. Bağçadan bizə "istilik xidmətinə məlumat vermişik, gəlib baxılacaq" deyildi. Uşaqların olduğu bir müəssisədə bu cür məsuliyyətsiz yanaşma nə dərəcədə doğrudur?",- deyə valideynlərdən biri bildirib. 
Vətəndaşlar aidiyyəti qurumlardan bağçaya baxış keçirilməsini və problemin tezliklə aradan qaldırılmasını tələb edirlər. 
Məsələ ilə bağlı aidiyyəti quruma sorğu ünvanlanıb.