Həkim Günay Rəhimovadan jurnalist Səidə Bəkirqızına sərt cavab: “İçi çürük qoz ləpəsidir”

Jurnalist Səidə Bəkirqızının uşaq pulu ilə bağlı səsləndirdiyi fikirlər sosial şəbəkələrdə müzakirələrə səbəb olub.

ANZ.AZ xəbər verir ki, həkim Günay Rəhimova məsələ ilə bağlı paylaşım edərək jurnalisti sərt şəkildə tənqid edib.
O, paylaşımında bildirib ki, insanların, xüsusilə də uşaq pulu tələb edən şəxslərin təhqir olunması yolverilməzdir:
“İnsan maksimum üç ay, beş ay, uzağı bir il özünü ağıllı, dərin və mənalı göstərə bilər. Sonra içindəki boşluq ya cümlələrdən, ya da hərəkətlərdən üzə çıxır. Türklərin bir sözü var: ‘Kalite asla tesadüf deyil’.”
Günay Rəhimova əlavə edib ki, insanları təhqir etməyə görə məsuliyyət nəzərdə tutulmalıdır və hər kəs ictimai çıxışlarında daha diqqətli olmalıdır.
Qeyd edək ki, Səidə Bəkirqızının uşaq pulu ilə bağlı səsləndirdiyi fikirlər sosial şəbəkə istifadəçiləri arasında birmənalı qarşılanmayıb və müxtəlif reaksiyalara səbəb olub.