Nyu-Yorkda Çinin gizli polis idarəsi aşkar olunub

ABŞ səlahiyyətliləri Nyu-Yorkda gizli Çin polis idarəsi tapıblar.

Yenilik.az xəbər verir ki, bunu ABŞ Ədliyyə Nazirliyinin sözçüsü bildirib.
Onun sözlərinə görə, idarə 2022-ci ilin fevral ayından fəaliyyət göstərir. Onun iki əməkdaşı həbs edilib. Onlar qanunsuz olaraq Çin sənədlərini təqdim etməkdə, müxtəlif “dövlət xidmətləri” göstərməkdə, həmçinin dissidentləri təqib etməkdə şübhəli bilinirlər.
“Şübhəlilər Çin hökumətinin milli polisi adından Manhettenin Çin məhəlləsində polis bölməsi yaratmaq üçün birlikdə çalışıblar”, - sözçü jurnalistlərə deyib.
O, əlavə edib ki, ABŞ-nin başqa ölkələrin gizli polis məntəqələrinə ehtiyacı yoxdur. Nazirliyin sözçüsü Nyu-Yorkda yaşayan çinliləri, lazım gələrsə, rəsmi hüquq-mühafizə orqanları ilə əlaqə saxlamağa çağırıb.