"Bu yaşımda başıma nə oyun açırsınız" - müğənninin həyat yoldaşı efirə zəng etdi

"1987-ci ildə avqustun 1-də ailə qurdum. Həyat yoldaşım deyirdi ki, filan paltarı geyinmə, ora getmə, bunu etmə. Ona görə də mən efirə az çıxırdım".

Yenilik.az xəbər verir ki, bu sözləri əməkdar artist Bəsti Bəkirova "Günün sədası" verilişində deyib. Müğənni həyat yoldaşından danışaraq, onun qısqanc olduğunu bildirib.
B.Bəkirovanın bir vaxtlar polis kimi fəaliyyət göstərən həyat yoldaşı daha sonra efirə zəng edib. "Həyat yoldaşı xanımını anlamalıdır, yanında olmalıdır. Bu yaşımda başıma nə oyun açırsınız" deyərək, o, sualları cavablandırıb. 
Proqramda qonaq olan əməkdar artist Cavanşir Məmmədov isə "Faiq mənim dostumdur. İllərlə Bəstini toylara getməyə qoymayıb" sözlərini əlavə edib.