"Deyirdi ki, oxumağın 10 dollardır"

Müğənni Xatun Əliyeva "Xəzər axşamı" verilişində qonaq olub.

Yenilik.az xəbər verir ki, müğənni proqramda həmkarı Vasif Məhərrəmlinin illər əvvəl toyda ona dediyi sözləri xatırlayıb:
"İllər əvvəl pəhriz saxlayırdım, evə də yalnız dietik qidalar alırdım. O vaxtlar Vasif Məhərrəmli ilə bahalı restoranlarda çıxış edirdik. Vasif oxuyur və səhnədən baxır ki, oturub yeyirəm. Məni oxumağa dəvət etdi, yeyə-yeyə gəldim, ritmi tuta bilmədim. Mənə dedi ki, "Bütün gün baxıram, ancaq yeyirsən və qəbul etdiyin qidaları qeyd eləmirsən. Səndən müğənni olmayacaq". O vaxtlar da mənə 100 dollar pul verirdi. Deyirdi ki, oxumağın 10 dollardır, 90 dolları uşaq saxladığın üçün verirəm, dur get".