“Tamaşaçımız ailəsinin müğənnini açıq geyimdə görməyini istəmir”

Türkiyədə yaşayan azərbaycanlı müğənni İradə İbrahimova unudulmamasının sirrini açıb.

 
Bu barədə sənətçi “Pərvizə görə”də danışıb.
 
İbrahimova deyib ki, bu, onun mahnıları ilə əlaqəlidir:
 
“İnanın ki, bunun tərifi mahnılar, musiqilərdir. O zamab bu musiqilərlə insanların birləşdirdiyi xatirələrdir. Unudulmağa qoymayan da sevilən mahnı aralığının geniş olmasıdır. Mahnılar çoxdur, bir-iki deyil. Qısa müddətdə insanlara sevdirmişəm ki, unudulmağa qoymur. Böyük ehtimalla səbəb budur. Səhnədə qeyri-adi nəsə etməmişəm, sadəcə yeni bir tərz gətirmişəm. Gövhər Həsənzadənin dəsti-xəttini üzərimə geyinmişəm, bu da mənim tərzim olub. Xanım İsmayılqızının, Nail Mirməmmədlinin nəğmələrini oxumuşam. Çalışdığım hər bəstəkarın duyğusunu almışam. Hamısını ötürə bilməsəm də, insanlara çatdırmağa çalışmışam. Səhnədə dəhşət şoular göstərməmişəm, rəqslər filan olmayıb. Bəlkə də yanlış cümlə qura bilərəm. Amma bizim tamaşaçımız onu istəmir. Səhnədə daha xanım-xatun, ağır müğənni istəyir. Müğənninin geyiminin o cür olmağını istəmir. Sanki ona qarşı qoruyucu mövqeyə keçir ki, niyə belə geyinib? Daha bağlı geyinsəydi… Bilmirəm, bu, qısqanclıqdırmı? Bəlkə burada başqa məqamlarda var ki, ailəsinin müğənnini açıq-saçıq geyimdə görməyini istəmir. Bu, bizim artıq qanımızda-canımızdadır ki, daha bağlı, ağır müğənni görmək istəyirlər. Müğənni dediyimiz isə elə olmur. Müğənni duyğularıyla oradadır, o mahnını oxuyur, duyğuları çatdırmağa çalışır. Ora makiyajı, saçı, geyimi də qata bilər ki, duyğuları qarşı tərəfə çatdırsın. Bir çox məqamlar var. Desəm ki, o vaxt bu qədər çox danışırdım. Yox. Heç bu qədər imkanlar da yox idi. Maqazin proqramları sonradan çıxdı, orada da soruşurdular ki, ailə qurmağı düşünürsünüz? Mən də hər dəfə “düşünürəm” deyirdim. Nədənsə həmişə bu sualı mənə verirdilər. Bilmirəm, üzümdən, gözümdən, üst-başımdan hiss olunurdumu ki, evlənmək istəyir? Niyyətin hara, mənzilin ora… Bu sualla ya bir şey öyrənmək istəyirdilər ki, bu qız niyə tək gəzir, kimsə yoxdur? Çünki mən gec ailə qurdum, 29 yaşında evləndim”.  (olay)