Ofeliya “ayağını yuyuram” dediyi əri ilə necə tanış olmasından danışdı – İLK DƏFƏ

Sənətindən çox əri ilə gündəmə gələn müğənni Ofeliya Şabanova növbəti açıqlaması ilə diqqətləri öz üzərinə çəkib.

Yenilik.az xəbər verir ki, ATV telekanalında aparıcı Zaur Nəbioğlunun təqdimatında yayımlanan “Rəngarəng” verilişində müğənni Ofeliya Şabanova ilk dəfə olaraq yoldaşı ilə tanışlığından danışıb.
O deyib ki, 16 yaşında ailəsi ilə restorana gedib. Həmin restoranda da müğənninin bacısı işləyirmiş.
“Mən həmin restoranda atama dedim ki, mahnı oxumaq istəyirəm. Həmin vaxt müştərinin restoranda səhnəyə çıxması çətin idi. Həyat yoldaşım isə orada administrator işləyirdi. Hazırda isə həmin restoranın sahibidir.
Mən oxuyandan sonra o səsimi bəyəndi. Hələ bir məşhurun da səsinə bənzətdi səsimi. Ondan sonra mən banket olanda gedib oxuyurdum və biz tanış olduq”.
Qeyd edək ki, Ofeliya Şabanova bir müddət əvvəl efirdə səsləndirdiyi “Bəxtəvərəm ki, ərim var, onun ayağını yuyuram” sözləri ilə gündəmə gəlmişdi. (Milli.az)