"Bakı toylarına qorxa-qorxa gedirəm" - Manaf Ağayev

Müğənni Manaf Ağayev "Gün ortası" verilişində qonaq olub.

Yenilik.az xəbər verir ki, ifaçı Bakı toylarına getməyə çəkindiyini bildirib.
"Qazax, Ağstafa, Şəmkir aşıq zonasıdır. Şirvanda isə tamam başqa musiqidir: şikəstəsi, qəzəli olur. Qarabağda indi-indi dəyişib. Əvvəl uşaq deyə bilməzdi ki, "mən filankəs müğənnini istəyirəm". O vaxt elə şey yox idi. Amma indi ata da bir söz deyə bilmir. Saatlı, Sabirabad, Əlibayramlı burada oynamalı mahnılardır. Burada muğama qulaq asdı yoxdur.
Bakı kəndlərindən mənə toy təklifləri gəlir, deyirəm ki, mənlik deyil. Cavab verirlər ki, başa düşdük nəyi deyirsən. Muğam dəsgahını, qəzəli səhv oxudun, mahnını saxladırlar. Bakıda musiqini elə bilirlər ki, heç Qarabağda bu cür bilən yoxdur. Bakı toylarına qorxa-qorxa gedirəm ki, orada nə edəcəyəm? Xanəndələrin arxasında gizlənirəm. Sıra mənə gələndə oxuyuram ki, camaat oynasın. Bunu etiraf edirəm" deyə, M.Ağayev bildirib./axşam.az