500 manatım olsaydı, özümə qəşəng parfüm alardım - Nadir Qafarzadə

"Forget Tomorrow" dünya turu çərçivəsində ilk dəfə Azərbaycana gələn Castin Timberleyk Bakı Olimpiya Stadionunda konsert proqramı ilə çıxış edib. Möhtəşəm şounun təşkil olunduğu günlərdə ölkəyə 25 min turistin səfər etdiyi bildirilir.

Müğənni Nadir Qafarzadə Demokrat.az-a bununla bağlı açıqlama verib.
O ailsəsi ilə Monteneqroda istirahətdən yeni gəldiyini deyib:
“Ölkədə nə baş verdiyindən xəbərim yoxdur. Konsertə bu qədər insanın getməsi o deməkdir ki, xalq gözəl yaşayır. İnsanlarımızın bir qismi xaricdə, bir qismi bahalı çimərlik və otellərdə dincəlir. Bu çox sevindiricidir. Bütün ölkəni buna aid etmək olmaz. Hər ölkədə olduğu kimi, bizdə də xırda problemlər var. Ümumillikdə bu gün vətəndaşlarımız 300-500 manat konsertə pul verə bilirsə, demək ki, imkan var. Mənim 500 manatım olsaydı, gedib özümə qəşəng parfüm alardım. 2 ay onu istifadə edərdim. Mən israfçı deyiləm, getməzdim. İnsanlar özləri işləyib, qazanır. Özləri də hara, necə istəyir xərcləyərlər”.