Xatirə İslam ata-anası haqqında dediklərinə görə qınandı - VİDEO

Müğənni Xatirə İslam ailəsi haqqında maraqlı açıqlamalar verib.

Yenisabah.az xəbər verir ki, ifaçı bildirib ki, onun üçün həyat yoldaşı və oğlu ilk sıradadır.
Müğənni evinin içini hər zaman üstün tutduğunu qeyd edib: 
"Ailə qurandan sonra bilmişəm ki, birinci evimin içidir. Qalanlar ikinci plandadır. Ata, anadan tutmuş, qohum və tanışlara qədər. Birinci yoldaşım və övladımdır, sonra digərləri. Ailə qurana qədər hər şeyim, Tural, anam, atam və bacım idi. Hazırda birinci Fəxrəddin və Emildir, sonra onlar".
Sosial mediada yayılan həmin görüntüləri izləyicilər tənqid atəşinə tutublar. Əksəriyyət onun "yad oğlu"nu ata-anasından üstün tutmasını qınayıb. 
Qeyd edək ki, müğənni bu barədə "Öz aramızda" verilişində danışıb.