"Şəbnəm səhnəyə çıxdı, çox əsəbləşdim" - Röya həmkarını niyə qovub? - VİDEO

Xalq artisti Röya Ayxan və həmkarı Elçin Cəfərov Şəbnəm Tovuzlunun ad günündə baş verən hadisəyə münasibət bildiriblər.

Bakupost.az xəbər verir ki, Röya Ayxan bu barədə “Elgizlə izlə” verilişində danışıb.

Müğənni bildirib ki, ifa edərkən başqa şəxslərin səhnəyə çıxması onu əsəbləşdirir:

“Birincisi onu deyim ki, oxuyanda səhnəyə kimsə çıxanda çox əsəbləşirəm və bunu sevmirəm. Çünki səhnə mənimdir. Müğənni bilir ki, gecənin sahibi ilə şəkil çəkdirməlidir, özü mahnının ortasında düşür, şəkil çəkdirir və geri qayıdır. Səhnəyə çıxıb 5–6 saat orada olmaqla 5–10 dəqiqə qalmaq mənim üçün eynidir. Mən Şəbnəm xanımın ad günündə idim. Orada o qədər adam səhnəyə çıxdı ki, öz performansımı göstərə bilmədim. Elçinlə dueti də məhz orada hədiyyə etmişdik. Səhnə boş olmalı idi, yalnız ikimiz olmalıydıq. Mən ona sadəcə bir əzizim kimi dedim ki, nə olar, tamaşaçı kimi düşün. Dilim dilim olsun. Mən bir az dəli qadınam. Bəlkə deməməli idim, amma dedim də...”.

Elçin Cəfərov isə əlavə edib ki, bu mövzuda sosial şəbəkələrdə Şəbnəm Tovuzlu tənqid olunub, lakin bunun tərəfdarı deyil:

“Əslində biz səhnə arxasında, kulisdə görüşmüşdük. Gəldiyimiz üçün bizə təşəkkür etmişdi”.

Xatırladaq ki, bir müddət əvvəl Röya Ayxan Şəbnəm Tovuzlunun doğum günündə onunla birlikdə səhnədə çıxış edərkən Elçin Cəfərov səhnəyə çıxaraq müğənnini təbrik edib. Lakin Şəbnəm Tovuzlunun bu təbrikə saymazyana münasibət göstərməsi diqqət çəkib. Bundan sonra Röya Ayxan Şəbnəm Tovuzludan səhnəni tərk etməsini və tamaşaçılar arasında əyləşməsini istəyib.

Ardınca Röya Ayxan Elçin Cəfərovu qucaqlayaraq ona “Mən nə etdiyimi bilirəm və sən də bilirsən” deyib.

Hadisə sosial şəbəkələrdə geniş müzakirələrə səbəb olub. Bir sıra istifadəçilər Şəbnəm Tovuzlunun davranışını Elçin Cəfərova qarşı "hörmətsizlik" kimi qiymətləndirib, Röya Ayxanın reaksiyasını isə "layiqli addım" hesab ediblər.