Kərim: Təranəyə halallıq vermirəm

Müğənni Kərim Abbasov keçmiş arvadı Təranə Səmədova haqqında danışıb.

“Yeni Sabah” xəbər verir ki, ifaçı onunla axirətdə görüşmək istədiyindən halallıq vermədiyini deyib.
Kərim Təranəyə daima yardımçı olduğunu bildirib:
“Heç nəyi unutmamışam. Allah qapısını açsın. 2 gözəl qızı var. Heç kəs ananın yerini verə bilməz. Həbsxanaya sovqat da aparmışam. Mənə ağlaya-ağlaya zəng edirsə, üz çevirə bilmərəm. Bir az elədiyi əməllərdən utansın. Mənə nələr çəkdirib, bu da mənim ona qarşı rəftarımdır”.
İfaçı Təranəni heç vaxt bağışlamayacağını deyib:
“Zəng də vurur. Yalnız maddi yardım istəyir. Başqa da heç nə edə bilmirəm. Xanımım da təkid edir ki, kömək ol, heç kəsi yoxdur. Mənə çox pis illər yaşatsa da, olub-keçdi. Peşman olduğunu deyir, lakin bağışlaya bilmirəm.
Onun həyatda ən çox dalaşdığı Kərim və Rəqsanə olub. Amma indi ona ən çox dəstək verən də Kərim və Rəqsanədir. Hərdən qızı Suel ilə də danışıram. Yenə də ürəyimdəki ürəyimdədir”.
Qeyd edək ki, müğənni Kərim Abbasov 2008-ci ilin yanvar ayında prodüser Təranə Səmədova ilə evlənsə də, cütlük qalmaqallı şəkildə boşanıb.