“Efirə buraxmayacam” – Tolikdən iki müğənniyə qadağa

İki müğənni var ki, artıq insanların ürəyini bulandırır.

Bu sözləri aparıcı Tarix Əliyev sosial media hesabında paylaşıb.

O bildirib ki, sözügedən şəxslər demək olar, hər gün efirdə görünürlər, lakin əsasən səviyyəsiz verilişlərdə iştirak edirlər:

“Onları səviyyəli proqramlarda görmək mümkün deyil. Bu gündən etibarən qəti qərar verdim ki, həmin şəxsləri efirə dəvət etməyəcəyəm. Eyni zamanda rəhbərliyimdən də xahiş edəcəm ki, ümumiyyətlə verilişimizdə və kanalın efirində yer almasınlar. Tamaşaçı zövqünə hörmət etmək hər şeydən önəmlidir”.