Prezidentin açıqlaması İrəvanı qarışdırdı

Prezident İlham Əliyevin Qərbi Azərbaycanla bağlı son açıqlaması Ermənistanı yenidən qarışdırıb.

Dövlət başçısının “Azərbaycanlılar öz dədə-torpaqlarına qayıtmalıdır” bəyanatı erməniləri qorxuya salıb.
Bildirək ki, dünən Ermənistan XİN-i bununla bağlı açıqlama yayıb. Nazirliyin mətbuat katibi Ani Badalyan bildirib ki, Ermənistan ərazisində “Qərbi Azərbaycan” deyilən ərazi yoxdur. “Bu ərazi Azərbaycan Respublikasının qərb rayonlarını əhatə edir”.

Ekspert Qarnik Davtyan isə hesab edir ki, Bakının bu açıqlamaları məqsədlidir. “Qərbi Azərbaycan ifadəsi ilə Azərbaycan iki problemi həll edir: Birincisi, “erməni soyqırımı” reallığını əks etdirən xarici siyasət istiqaməti yaratmaqdır. İkincisi isə Qarabağ siyasətinə əks balans yaratmağa çalışmasıdır”.
Onun sözlərinə görə, Azərbaycanın bir hədəfi də dünyda Ermənistanın yalnız 10 min kv.km-dən çox ərazisi olmadığı reallığını yaratmaqdır.
Ekspert Armen Hovasapyan isə qeyd edib ki, Prezident İlham Əliyevin açıqlaması bir sıra konkretlikləri özündə birləşdirir. “Əliyev aydın mətnlə vurğulayır ki, Ermənistan tarixi Azərbaycan ərazisidir. Bu, ilk növbədə, gələcək tələblər və ya hərbi təzyiqlər üçün siyasi zəmin hazırlayan bir diskursdur. Bu, həmçinin diplomatik təzyiq, sərhəddəki qeyri-sabitlik və hətta işğal üçün əsas ola biləcək bir ərazi iddiası rolunu oynayır”.