Səhər yeməyi yeməyən uşaqlarla bağlı MÜHÜM XƏBƏR

Uşaqlarda sağlam qidalanma həm fiziki inkişaf, həm də məktəbdəki nailiyyətlər baxımından olduqca vacibdir. Düzgün və kifayət qədər qidalanmayan uşaqlarda tez-tez qan azlığı (anemiya) problemi yaranır ki, bu da birbaşa olaraq tədris müvəffəqiyyətini mənfi təsir altına salır.

 
Pravda.az bildirir ki, qan azlığı uşaqlarda həm fiziki, həm də zehni inkişafı ləngidir.
 
Qan azlığı nədir?
 
Qan azlığı – qırmızı qan hüceyrələrinin (eritrositlərin) miqdarının yaşa uyğun normal səviyyədən aşağı düşməsi ilə xarakterizə olunan vəziyyətdir. Ən çox rast gəlinən səbəb isə dəmir çatışmazlığıdır. Dəmir çatışmazlığı zamanı orqanizm kifayət qədər hemoglobin istehsal edə bilmir, bu da uşağın ümumi sağlamlığına mənfi təsir göstərir.
 
Uşaqlarda qan azlığının əsas səbəbləri:
 
Dəmir çatışmazlığı: Ən geniş yayılmış səbəbdir.
 
B12 vitamini çatışmazlığı: B12 və fol turşusunun azlığı da anemiyaya səbəb olur.
 
Xroniki xəstəliklər: Böyrək xəstəlikləri, artrit, lupus kimi xroniki xəstəliklər də qan azlığına yol aça bilər.
 
Əlamətləri nələrdir?
 
Qan azlığı olan uşaqlarda aşağıdakı əlamətlər müşahidə oluna bilər:
 
Halsızlıq və yorğunluq
 
İştahsızlıq
 
Solğun dəri
 
Başgicəllənmə
 
Tez-tez xəstələnmə
 
Ürəkdə döyüntülər
 
İçeqapanıqlıq və depressiya
 
Zehni inkişafın ləngiməsi
 
Yaxşı qidalanma qan azlığını önləyir
 
Qan azlığı olan uşaqların müalicəsində düzgün və balanslı qidalanma əsas rol oynayır. Qırmızı ət, quru meyvələr, bəhməz, fındıq kimi dəmir baxımından zəngin məhsulların istifadəsi tövsiyə olunur.
 
Xüsusilə, məktəb dövründə olan uşaqlar səhər yeməyindən imtina etməməlidirlər. Tədqiqatlara görə, səhər yeməyi edən uşaqlar dərslərində daha uğurlu olur. Səhər yeməyində tam taxıllı çörək, süd, yumurta və pendir kimi zülalla zəngin qidalar mütləq yer almalıdır. Bu, uşağın konsentrasiyasını və qavrama qabiliyyətini artırır.
 
Qan azlığının səbəbi müəyyən edilməlidir
 
Qan azlığının müalicəsində ilk addım onun səbəbini dəqiq müəyyənləşdirməkdir. Dəmir çatışmazlığına əsaslanan qan azlığı halları dünyada ən çox rast gəlinən anemiya növüdür.
 
Uşaqlarda qan azlığının müalicəsi necə aparılır?
 
Qan analizləri nəticəsində uşağın vəziyyəti və anemiyanın növü təyin edilir. Müalicəyə dəmir preparatları ilə başlanılır. Körpələrə sirop və damcı şəklində dərmanlar verilir. Müalicə müddətində uşaqların vəziyyəti mütəmadi olaraq yoxlanılmalı və təhlillər aparılmalıdır.
 
Qan azlığının qarşısını almaq üçün nə etməli?
 
Təzə meyvə sularından və meyvələrdən istifadə artırılmalıdır
 
Qırmızı ət və balıq kimi məhsullar mütəmadi qəbul olunmalıdır
 
B12 vitamini ilə zəngin qidalarla uşağın rasionu dəstəklənməlidir
 
Hər səhər yeməyində süd, yumurta və pendir kimi zülalla zəngin məhsullar olmalıdır.