“Kontakt Home”dan məhsul alarkən yüz dəfə düşünün… – Şikayət

“Kontakt Home”dan məhsul alarkən yüz dəfə düşünün, çünki məhsulda problem çıxsa sizi yola verəcəklər, nəticə olaraq ziyana düşən siz olacaqsınız. Çox peşmanam ki, “Kontakt Home”dan məhsul almışam.

Tribunainfo.az xəbər verir ki, bu barədə “Kontakt Home”u seçdiyinə görə peşman olan şikayətçi Emil Azada yazıb. O bildirib ki, sözügedən şirkət onun problemini həll etmir:
“Rəsmi zəmanətsiz, sadəcə servis zəmanəti ilə aldığım 1344.79 manat dəyərində Samsung markalı televizor 3 aydan sonra xarab oldu. “Kontakt Home”la uzun sürən söz-söhbətlərdən sonra nəticə olaraq mənim hüquqlarım kobud şəkildə pozuldu. Azərbaycan vətəndaşı olaraq öz ölkəmdə “Kontakt Home” tərəfindən edilən qanun pozuntusu nəticəsində həm maddi, həm mənəvi ziyana uğadım.
Məni belə bir xoşa gəlməz və biabırcı vəziyyətə salan “Kontakt Home”a etdiyim ödənişin halallığını da vermirəm.
Burdan hamıya məsləhət görürəm ki, qeyd etdiyim şəbəkədən məhsul alanda 100 dəfə düşünsünlər, araşdırsınlar. Çünkü məhsulda problem çıxsa, sizi yola verəcəklər və nəticə olaraq da ziyana düşən siz olacaqsınız. Çox peşmanam ki, “Kontakt Home”dan məhsul aldım”.
“Kontakt Homa” isə məsələ ilə bağlı bildirib ki, müştəriyə verilən məhsul saz vəziyyətdə verilib. Quraşdırma prosesi müştəri tərəfindən həyata keçirildikdən sonra məhsulda zədə əmələ gəlib.
Gülşən Rəsul