Gənc yazıçıdan şikayət: Baş həkim bizə məlumat vermir

“Xəstəxananın baş həkimi Sevda Əlizadə heç bir sorğuya cavab vermir".

Yenisabah.az xəbər verir ki, bunu yazıçı Ulucay Akif bildirib.
O bildirib ki, “Məlhəm” hospitalında bacısının yeni doğulmuş uşağından tam bixəbərdirlər: 
"Deyilir ki, yalnız uşağın 1-ci dərəcəli qohumlarına məlumat verilir. Hazırda xəstəxana qarşısındayam, məni qəbul etmirlər. Nə media nümayəndəsi kimi, nə də uşağın dayısı kimi. Baş həkimin özü belə mənimlə danışmır. Mühafizəçi vasitəsilə ünsiyyət qurulur.
Baş həkim bildirir ki, məhkəmədə danışarıq. Demək olar ki, 2 həftədir uşağın səhhəti ilə bağlı heç nə öyrənə bilmirik. Xəstəxanadan da məhkəməyə şikayət etmişik”.
Xatırladaq ki, bir neçə gün əvvəl vətəndaş Gülənay Məmmədova “Məlhəm” hospitalında ilk övladı dünyaya gətirib. Körpənin beynində ciddi problemlər, sinir zədələnməsi aşkarlanıb. Yaxınları buna görə xəstəxananın həkimi Pərvin Xəlilovanı günahkar bilirlər.