O bildirib ki, Azərbaycan parlamentarilərindən ibarət nümayəndə heyətinin indiki məqamda Ukraynaya səfəri onlar üçün böyük əhəmiyyət kəsb edir. A.Qojik Ukrayna-Azərbaycan arasında tələbə-təhsil mübadiləsinin inkişafından danışıb.
Azərbaycan-Ukrayna parlamentlərarası işçi qrupunun rəhbəri Rüfət Quliyev deyib ki, Azərbaycan Ukraynanın 1991-ci ildə BMT-də qəbul edilmiş prinsiplərə əsaslanan ərazi bütövlüyünü dəstəkləyir.
Daha sonra çıxışçılar iki ölkə arasında təhsil mübadiləsindən danışıblar. Sabir Rzayev müharibə dövründə Ukraynada təhsil alan azərbaycanlı tələbələrin universitetdə təhsillərinin hansı formada davam etdirə bilməsi ilə bağlı məsələlərin müzakirəsini təklif edib.
Nümayəndə heyəti universitetdə oxuyan azərbaycanlı tələbələrin vəziyyəti ilə də maraqlanıblar. Həmçinin Azərbaycan diasporunun universitetlə təması da müzakirə edilib.
Sonda qonaqlar Kiyev Milli Universitetində yaradılmış Yusif Vəzir Çəmənzəminli auditoriyasında olublar.