Nazirlik test tərtib etməyi bacarmır… – Kamran Əsədov

Elm və Təhsil Nazirliyi, test tərtib etməyi, imtahan keçirməyi öyrənin, xahiş edirik. Bacarmırsınızsa, imtina edin. Rus bölməsi olsa belə, bu nəyi dəyişir? Axı mərkəzləşdirilmiş imtahan keçirirsiniz – 7-ci siniflər üçün hazırlanmış bütün testlərdə 4 cavab variantı (A, B, C, D) olmalıdır. Bəs necə olur ki, 2-ci sualda birdən-birə 5 cavab variantı (A, B, C, D, E) qarşımıza çıxır? Üstəlik, etalon cədvəlində də bu sual A, B, C, D, E üzrə qiymətləndirilib və cavab kimi E göstərilib.

Tribunainfo.az xəbər verir ki, bu sözləri təhsil eksperti Kamran Əsədov bildirib. O əlavə edib ki, bütün testlər keyfiyyətsizdir:
“Sadəcə testləri düzgün tərtib edib, səliqəli və qaydalara uyğun imtahan keçirməkdən söhbət gedir. Sistemdə belə texniki uyğunsuzluqlar olanda həm şagird çaşqın qalır, həm də nəticələrə olan inam sarsılır. Bu sadə texniki məsələ belə həll edilə bilmirsə, imtahanın bütövlükdə keyfiyyətindən danışmaq mümkündürmü?”.