Yenilik.Az
www.Yenilik.Az » Cəmiyyət » HP: Un üçün ayrılan subsidiya Vasif Talıbovun şirkətinə verilib

HP: Un üçün ayrılan subsidiya Vasif Talıbovun şirkətinə verilib

HP: Un üçün ayrılan subsidiya Vasif Talıbovun şirkətinə verilib
2023-05-16 , 16:34

Hesablama Palatasının 2023-cü il üzrə İş Planına uyğun olaraq 2023-cü ilin 15 fevral tarixindən 18 mart tarixinədək Naxçıvan Muxtar Respublikasının Kənd Təsərrüfatı Nazirliyinə ayrılan vəsaitlərin və dövlət əmlakının istifadəsinin və idarə olunmasının auditini həyata keçirib.


Demokrat.az Palataya istinadən xəbər verir ki, qurum un subsidiyasının verilməsi üzrə rəqabət mühiti təmin etməyib. Belə ki, subsidiya üzrə 2021-ci ildə icra edilmiş 18 milyon 474 min 308,34 manat, 2022-ci ildə icra edilmiş 6 milyon 938 min 485,19 manat vəsait NMR-nın Kənd Təsərrüfatı Nazirliyinin maliyyə hesabatlarında əksini tapmayıb.

Məlumatda həmçinin, satılan unun hər tonuna görə İqtisadiyyat Nazirliyinin xətti ilə un istehsalçılarına köçürülmüş 1,3 milyon manat məbləğində subsidiya vəsaitlərinin yalnız 1 istehsalçı olmaqla “Gəmiqaya Holdinq”in istifadə etdiyi qeyd edilib.

Qeyd edək ki, "Gəmiqaya Holdinq" Naxçıvan Muxtar Respublikası Ali Məclisinin keçmiş sədri Vasif Talıbovun ailəsinə məxsusdur. (apa)

Redaksiya ilə əlaqə: (+994) 50 295 94 79 | [email protected]
OXŞAR XƏBƏRLƏR
XƏBƏR LENTİ

Materiallardan istifadə edərkən sayta mütləq istinad olunmalıdır. Bütün hüquqlar qorunur.