Xarici istehsal adı ilə satılan bu yağlar ölkədə hazırlanırmış…

Dövlət Statistika Komitəsinin açıqladığı rəqəmlərə görə 2024-cü ildə ölkəyə 65 min ton palma yağı idxal olunub. Bu rəqəm 2023-cü illə müqayisədə 42% çoxdur. Yəni ölkəyə palma yağı idxalı hər il sürətlə artır. Belə olan halda kim zəmanət verə bilər ki, əhalinin aldığı yerli istehsal olan kərə yağına kərə yağı adı altında palma yağı qatılmır?

Bu sözləri Tribunainfo.az-a mütəxəssis İlkin Məmədkərimov deyib. O bildirib ki, Yeni Zenyandiya istehsalı adı ilə satılan yağların hamısı ölkədə hazırlanır:
“Yerli istehsal yetəri qədər olsa belə əhalinin əksəriyyəti keyfiyyət məsələsinə görə etibar edib yerli istehsal olan kərə yağı almır. Çünki hər il ölkəyə on minlərlə ton palma yağı idxal olunur.
Şəxsən mən heç vaxt evimə yerli istehsal olan kərə yağı və “Delta Group”un guya Yeni Zellandiyadan idxal olunub burda qablaşdırdığı deyilən, Yeni Zellandiya yağı adı ilə satılan yağları almaram. Xüsusilə “Best Cow”, “Dayaruşka”, “Wellington”, “Novaya Zemilya”, “No 47” və s. kimi yağlardan istifadə etməməyə çalışıram. Elə Qida Təhlükəsizliyi Agentliyinin son dövrlər yerli istehsal olan “kərə” yağlarında apardığı yoxlamalar haqlı olduğumuzu göstərdi.
Təkcə AQTA-nın qeyd etdiyi iki yağda deyil, daha düzgün yoxlama aparsalar bütün yerli istehsal olan yağların tərkibində bitki yağı aşkarlanar. Tam əminliklə deyə bilərəm ki, Qida Təhlükəsizliyi Agentliyinin adlarını açıqlamadığı digər yerli istehsal olan kərə yağlarında da vəziyyət eynidir.
AQTA-nın apardığı son yoxlama üzə çıxardı ki, Əli Cəfərova məxsus həmin saxta kərə yağlarına nəinki kərə yağı adı altında bitki yağı qatılıb, həmçinin tərkibində bütün dünyada qadağan olunan Sorbil və Benzol turşuları vurulub. Bu maddələr birbaşa xərçəng xəstəliyinə səbəb olur.
Kim zəmanət verir ki, yerli istehsal olan digər marka yağların tərkibində belə maddələr yoxdur? Araşdırmanın nə qədər düzgün aparıldığını da bilmirik. Başqa hansı yağlar yoxlanılıb, hansı yağların tərkibi necədir bilmirik. Biz üzərindəki etiketə aldanırıq. Yağın tərkibindən isə xəbərimiz yoxdur”.