Deputatın dərman firması ilə bağlı protokol tərtib edildi

Deputat Cavanşir Feyziyevə məxsus dərman firması və apteklər şəbəkəsi “Avromed Company” ilə bağlı növbəti dəfə cərimə protokolu tərtib edilib.

Tribunainfo.az xəbər verir ki, “Avromed” İnzibati Xətalar Məcələsinin gömrük qaydaları əleyhinə olan 493-vü maddəsini pozub. Tələbi pozulan maddəyə əsasən, gömrük bəyannaməsinin və onunla birgə təqdim edilməli olan sənədlərin Azərbaycan Respublikasının Gömrük Məcəlləsində müəyyən edilmiş müddətdə müvafiq icra hakimiyyəti orqanına təqdim edilməməsinə görə, fiziki şəxslər əlli manat məbləğində, vəzifəli şəxslər yüz əlli manat məbləğində, hüquqi şəxslər üç yüz manat məbləğində cərimə edilir.
“Avromed Company” ilə bağlı iş baxılması üçün Nəsimi rayon Məhkəməsinə göndərilib. 23 iyul tarixində hakim Solmaz Mustafayevanın sədrliyi ilə işə baxılacaq.
Qeyd edək ki, ölkənin qabaqcıl dərman firmalarından olan “Avromed Company” QSC deputat Cavanşir Feyziyevə məxsusdur.
Qarşı tərəfi dinləməyə hazırıq.