Fəzail Ağamalının oğlu Ədliyyə Nazirliyinə müraciət etdi

Ana Vətən Partiyasının sədr müavini Elçin Ağamalı oktyabrın 25-də keçirilmiş qalmaqallı qurultayın nəticələri ilə bağlı noyabrın 3-də Ədliyyə Nazirliyinə müraciət edib.

Yenilik.az xəbər verir ki, Elçin Ağamalı Modern.az-a açıqlamasında məlumatı təsdiqləyib.

O, qeyd edib ki, şikayətlərə fərdi qaydada baxılmadığından sənədləri şikayətlər qutusuna daxil edib:


"İndi onlardan cavab gözləyirik. Məsələ bir az xüsusi olduğu üçün, yəqin ki, diqqətlə yanaşacaqlar. Bizim müraciətimizə müsbət cavab veriləcəyinə böyük ümid edirəm. Görüntüləri də, protokolu da təqdim etmişik. Videogürüntülər protokolu tamamlayır. Azərbaycan ədliyyəsinin ədalətinə inanırıq. Müsbət qərar çıxacağına ümid edirik”.

Qeyd edək ki, oktyabrın 25-də Ana Vətən Partiyasının növbədənkənar qurultayı keçirilib. Qurultayda partiyanın sədri Fəzail Ağamalının qızı deputat Günay Ağamalının namizədliyini dəstəkləməsi qalmaqala səbəb olub.

Fəzail Ağamalının oğlu Elçin Ağamalı səsvermə keçirildiyini və özünün sədr seçildiyini bildirib. Fəzail Ağamalı və Günay Ağamalı isə qurultayın müddətinin uzadıldığını deyirlər.