Elgiz “Təhminə”yə Bakıda ev bağışlanmasını istəyir

“Təhminə” filmi ilə ölkəmizdə populyarlıq qazanan Türkiyədən gələn aktrisa Meral Konrat Azərbaycanda yaşamaq istəyir.

Yenilik.az xəbər verir ki, bu barədə “Elgizlə izlə” proqramında aparıcı Elgiz Əkbər məlumat verib. Elgiz, aktrisanın evi olmadığı üçün izləyicilərə də müraciət edib:
“Meral xanım Bakıya köçmək istəyir, burada yaşayacaq. Onun evi yoxdur. Hazırda hoteldə yaşayır. Nə qədər pul qazanmalıdır ki, hotelə pul versin. Bizi eşidirlər, onun pərəstişkarı çoxdur, ev tikən şirkətlər var. Burada yaşaması üçün mənzil lazımdır. İstəyir ki, ölkəmizdə fəaliyyət göstərsin, tələbələr hazırlasın. Dünən də teatra getmişdik. İkincisi isə gözündə problem var. Həm də ərə getmək məsələsi… Meral xanımla ailə qurmaq istəyənlər gəlsin”.