İbrahim Borçalının görün neçə bacı-qardaşı var

İbrahim Borçalı qonağı olduğu "Həmin Zaur" verlişində aparıcının "neçə bacı-qardaşsınız?" sualına verdiyi cavabla təəccübləndirib.

Yenilik.az xəbər verir ki, İbrahim ailədə 12 övlad olduqlarını bildirib. O, 9 bacı, 3 qardaş olduqlarını sözlərinə əlavə edib. Müğənninin bu açıqlaması aparıcı Zaurla ("Nə? Doğru deyirsən?") yanaşı verlişin digər məşhur qonağı Əlikram Bayramovun da da xeyli təəccüblənməsinə ("Mən bunu ilk dəfədir eşidirəm, İbrahim. Maşallah, bilmirdim ki, 12 uşaq olublar") səbəb olub.
Müğənni anasına sovet dövründə hətta "Qəhrəman ana" ordeni verildiyini də bildirib. İbrahim 12 uşaq olduqlarına görə hətta həmin vaxt ailəyə bu qədər insanın yerləşməsi üçün böyük bir maşın da bağışlandığını deyib. O, anasının nəvə, nəticə və kötücələrinin olduğunu, yaxın zamanlarda da "yadıca"nın olacağını açıqlayıb. Müğənni onu da bildirib ki, anasının 90 yaşı var.