“Nə qazandımsa, kədərimdən qazandım…”

Xalq artisti Nazpəri Dostəliyeva mərhum bacısı, müğənni Zeynəb Dostəliyevanın yoxluğundan danışıb.

Yenilik.az xəbər verir ki, bu haqda o, “Xəzər axşamı” verilişində söz açıb.
“Ümumiyyətlə, hər zaman həyatda, sənətdə nə qazandımsa, kədərimdən qazandım. Bu hər zaman belə oldu. Mənim də alnıma bu yazı yazılıb. Amma Allahdan gələn nə varsa, hər birimiz səbir diləyib, şükür etməliyik. Çünki Allahın yazısına bəndənin heç bir müdaxiləsi olmamalıdır. O yazıya pozu yoxdur deyirlər...”, - deyə, müğənni bildirib.
Xatırladaq ki, Zeynəb Dostəliyeva bu ilin fevralında qaraciyər sirrozundan dünyasını dəyişib.