"Mənə görə Doğuşa nələr yazırlar" - Xoşqədəm Hidayətqızı 

Aparıcı Xoşqədəm Hidayətqızı həyat yoldaşı, türkiyəli müğənni Doğuşun yeni işıq üzü görən "İnsafsız/Bir sana yandım" mahnısından danışıb.

Axşam.az xəbər verir ki, Xoşqədəm Doğuşun ifasına ona görə mənfi şərhlər yazıldığını deyib:
"Klip, səs gözəl. İbrahim Erkaldan sonra bunu oxumaq... Yazılan şərhlərə baxıram. Nələr yazırlar... Burada mən faktoru var, bilirəm. Əsasən də Türkiyədə yazılanların hamısını oxudum. Burada mən varam deyə, qısqanırlar. Şərhlərə baxıb, üzülürəm. İstəyirəm onlar o qədər xoşbəxt olsunlar ki, heç mənfi yazmasınlar".
Qeyd edək ki, Türkiyənin bir çox sənətçisinin yer aldığı "İbrahim Erkal Hürmet" layihəsi çərçivəsində müğənni Doğuşun səsləndirdiyi "İnsafsız/Bir Sana Yandım" mahnısı təqdim edilib. Bəstənin söz və musiqisi Erkalın özünə məxsusdur. Recep Yengingünün rejissorluğu ilə sözügedən mahnıya klip də çəkilib. Mahnını Doğuş dekabrın 10-da Türkiyədə gerçəkləşəcək "İbrahim Erkal Hürmet" konsertində də səsləndirəcək.