"Yarım kisə pulu gətirib ona GÖSTƏRDİM"

Xalq artisti Bilal Əliyev efirdə danışdığı maraqlı hadisə ilə diqqət çəkib.

Musavat.com xəbər verir ki, sənətçi başına gələn xoşagəlməz olayın uzun müddət yadından çıxmadığını bildirib.
Əliyevin sözlərinə görə, hadisə şou proqramların birində baş verib. O bildirib ki, həmin vaxt qarşısındakı şəxsin davranışı onu narahat edib:
"İşlədiyim yerdə bir nəfər mənə qarşı xoşagəlməz hərəkət etdi. Əlində pul göstərirdi. Mən də yarım kisə pulu ona göstərdim. Kisənin içində dollar, manat, avro və funt-sterlinq qarışıq idi".
Sənətçi daha sonra bunun təhlükəli addım olduğunu anladığını deyib:
"Fikirləşdim ki, bunu görən biləcək maşında pul var, kiminsə tamahı düşəcək. Elə həmin dəqiqə pulları başqa yerə yerləşdirdim. Bir neçə gün sonra şou proqramdan çıxanda gördüm ki, maşınımın şüşəsini qırıblar. Baxdım, maşındakı hər şey yerində idi. Görünür, həmin böyük məbləği axtarıblar".
Xalq artisti qeyd edib ki, həmin pul ona məxsus olmayıb:
"O pulu bir günlük maşınıma qoymuşdum. Ev satılmışdı, bir insanın əmanəti idi məndə".
Onun bu etirafı sosial şəbəkələrdə geniş müzakirələrə səbəb olub.