Xalq artistinin oğlundan sonra qızı da işdən çıxarıldı

Xalq artisti Şeyx Əbdül Mahmudbəyovun qızı işdən çıxarılıb.

Yenilik.az-ın xəbərinə görə, bu barədə Qaynarinfo-ya aktyorun özü məlumat verib.
O, qızının işdən çıxarılmasını işlədiyi şirkətin bağlanması ilə izah edib:
"Kinoda olduğu kimi, oğlumu axtarırdım, dostumu tapdım. Oğluma iş tapmamış, qızımı da çıxarıblar. Qızım ali təhsilli ingilis dili mütəxəssisidir. Firmada işləyirdi. İki ay bundan əvvəl şirkətin fəaliyyəti dayanıb. O gündən qızım də işləmir".
Qeyd edək ki, bir neçə ay bundan öncə Şeyx Əbdülün oğlu Babək Mahmudov Əmək və Əhalinin Sosial Müdafiəsi Nazirliyindəki işindən çıxarılıb.