Qaradağın icra başçısına məxsus olduğu deyilən şirkət cərimələnsə də, işini davam edir – FOTO

Qaradağ rayon icra hakimiyyətinin başçısı Süleyman Mikayılova məxsus olduğu deyilən şirkət tərəfindən rayonun Qızıldaş qəsəbəsi ərazisindən qanunsuz olaraq çınqıl daşındığı barədə yazmışdıq. Bildirmişdik ki, uzun müddət sözügedən ərazidən icra başçısına məxsus şirkət gündəlik 200 yük maşını çınqıl daşıyıb.
Tribunainfo.az xəbər verir ki, icra başçısı S.Mikayılova məxsus şirkət etdiyi qanunsuzluğa görə cərimələndikdən sonra ərazidə bir müddət işlər dayandırıldı. Lakin bir neçə gündür ki, şirkət yenə də Qızıldaş qəsəbəsindən qanunsuz olaraq çınqıl daşınmasını davam etdirir. Ərazi yenə də durmadan qazılır və hər gün yüzlərlə yük maşını ilə ərazidən çınqıl daşınır. İcra başçısına məxsus şirkətin cərimələndikdən sonra da qanunsuz fəaliyyətini davam etdirməsi maraq doğurub. Ərazidə gecə gündüz yük maşınları hərəkət edir.
Qanunsuz və yöndəmsiz aparılan qazıntı səbəbindən ərazidə böyük çökəklik əmələ gəlib. Ətrafı toz bürüyüb və nə göz-gözü görür, nə də ərazidə nəfəs almaq mümkündür.








OXŞAR XƏBƏRLƏR