Cəmi 4 avtobus var, onlar da qrafikə uyğun işləmir - Ceyranbatandan şikayət

Ceyranbatan qəsəbəsində avtobusların sayı az olduğu üçün sərnişinlər yollarda qalırlar. Belə ki, 11a saylı marşrut xəttində istismar müddətini başa vurmuş cəmi 4 avtobusdan istifadə edilir.

Sakinlərin sözlərinə görə, avtobus sayının az olmasından əlavə, onlar da qrafikə uyğun hərəkət etmir. Həmçinin nəqliyyat vasitələrinin əksəriyyətində kondisioner sistemi işləmir.
Daşıyıcı şirkət isə sakinlərin iradları ilə razılaşmır. Bildirilib ki, avtobusların hərəkət intervalı təxminən 15 dəqiqə təşkil edir və mövcud sərnişin axını nəzərə alındıqda bu göstərici kifayət hesab olunur. Avtobusların istismar müddətini başa vurması ilə bağlı iddialara gəlincə isə qeyd olunub ki, yaxın aylarda marşrut xəttində istifadə olunan nəqliyyat vasitələrinin yenilənməsi nəzərdə tutulur.
Daha ətraflı Xezerxeber.az-ın süjetində: