“Nə qazanıram ki, vergi də verim, hərə bir hava çalır”

“Müğənninin işi çox çətindir. Günümüz əsəb, stresslə keçir. Toylarda 500 adamla qarşılaşırıq. Hərəsi bir hava çalır”. Bunu Musavat.com-a açıqlamasında müğənni Mətanət Əsədova deyib.

 
Müğənni musiqiçilərin işinin ağırlığından gileylənib. O, toya gedən sənətçilərdən vergi istənməsindən də danışıb:
 
“Nə qazanıram ki, vergi verim. Elə müğənni var ki, toya çox baha qiymətə gedir, vergini onlar versin. İndi o toylar yoxdur. Camaatın vəziyyətini hamı bilir. Toysuz mənə çətindir. Başqa gəlir mənbəyim yoxdur. Oxumasam, fəlakət yaşayaram”.
 
Sənətçi bir çox insana himayəçilik etdiyini də dilə gətirib:
 
“Həyatı boyu özüm üçün yaşamamışam. Özüm üçün yaşasaydım, altım dolu olardı”.
 
Mətanət Əsədova həmkarı Kərimin toyda fonoqram oxuduğu üçün döyülməsindən də danışıb:
 
“Bütün efiri fonoqram oxumaq olmaz. Kərim canlı oxuyan müğənnidir. Dostumdur, canımdır”.