İş adamı Emin Hüseynov dövlətə vergi borcunu ödəmir

Tik-Tok sosial şəbəkəsinin fenomenlərindən olan “Baboş”a son model “Range Rover” hədiyyə etməsi ilə gündəm olan spirtli içki istehsalçısı “Quseynoff” MMC-nin qanuni təmsilçisi Hüseynov Emin Zahid oğlunun dövlətə vergi borcu daha da artıb.

Tribunainfo.az xəbər verir ki, “Quseynoff” MMC-nin dövlətə olan borcu hazırda 174193.89 AZN-dir. Ötən ay şirkətin borcu 173 977.85 AZN idi. Şirkətin dövlətə olan borcunu niyə ödəmədiyi məlum deyil.
Qeyd edək ki, dövlətə olan vergi borcu artmaqda olan “Quseynoff” MMC rəhbəri Hüseynov Emin Tik-Tok fenomeni “Baboş”a avtomobil hədiyyə etdikdən sonra məşhurlaşmışdı. E.Hüseynovun şirkəti spirtli içki istehsalı ilə məşğuldur.
Qarşı tərəfi dinləməyə hazırıq.