“Kapital Bank” müştərini necə tələyə salır? – Ekspert açıqladı

Bank sektorunda istehlakçıların hüquqları kütləvi şəkildə pozulur. İnsanların maliyyə savadsızlığından istifadə edilərək onlar aldadılır. İstehlakçılara natamam məlumat verməkə işlərini bitmiş hesab edirlər. Halbuki məlumatın tam verilməməsi də birbaşa qanun pozuntusudur. Təəssüf ki, ölkənin 2-ci ən böyük bankı olan “Kapital Bank” bu yolla əlavə qazanc əldə etməyə çalışır.

Tribunainfo.az xəbər verir ki, bu barədə iqtisadçı ekspert Samir Əliyev yazıb. O bildirib ki, “Kapital Bank” müşstərisinə özlərinin səhvini başa sala bilməyib:

“Təxminən 1 ilə yaxındır ki, “Kapital Bank”ın Birbank kredit kartından istifadə edirəm. ASAN Xidmətdə təklif edildi və mən də hər ehtimala qarşı onu götürdüm. Vəziyyət elə gətirdi ki, hər ehtimala qarşı götürdüyüm kartı aktiv işlətməyə başladım. Sözüm onda deyil. Kartın üzərində CASHBACK yazıldığından tətbiqdə nə qədər vəsait yığıldığını axtarmağa başladım. Məlum oldu ki, heç nə yığılmayıb. Bankla əlaqə saxladığımda məlum oldu ki, kateqoriyanı seçməmişəm.

Zəng vurduğum əməkdaşa izah etməyə çalışdım ki, bu kartı mənə verəndə nə cashback barədə məlumat verilib, nə də kateqoriyanın seçilməsinin vacibliyi barədə. Üstəgəl bildirdim ki, kateqoriya seçimi funksiyası bəlkə də son 1 ildə tətbiq edilməyə başlanıb. Buna qədər seçim yox idi. Ona görə müştəriyə detallı məlumat verilməli idi. Amma faydası olmalı. Öz səhvlərini həmişəki kimi müştərinin boynuna atmağı çıxış yolu olaraq seçdilər.

İnsanların maliyyə savadsızlığından istifadə edilərək onlar aldadılır. Halbuki məlumatın tam verilməməsi də birbaşa qanun pozuntusudur. Təəssüf ki, ölkənin 2-ci ən böyük bankı olan “Kapital Bank” bu yolla əlavə qazanc əldə etməyə çalışır”.

Qarşı tərəfi dinləməyə hazırıq.