Paylaşıb biabır edəcəyəm – Tanınmış bloger

Tanınmış bloger Aygül Quliyeva (ayaprima) ilə psixoloq Samirə Bağırova arasında sosial şəbəkələrdə yaşanan qalmaqal daha da böyüyüb. Buna birincinin yaxın qohumlarının məsələ ilə bağlı rəy bildirməsi səbəb olub.

Yenilik.az Bakupost.az-a istinadən xəbər verir ki, bu barərə Aygül Quliyeva (ayaprima) sosial şəbəkə hesabında bildirib.
Onun sözlərinə görə, yayımladığı videolardan birinə bibisi qızı tərəfindən tənqidi şərh yazılıb:
“Sonra soruşurlar ki, niyə mən ata tərəfi qohumlarımı sevmirəm, niyə onları danışdırmıram, dindirmirəm. Deməli, axırıncı məsələ (psixoloqla qalmaqal-red.) ilə bağlı o qədər videolar paylaşmışam, minlərlə insan həm instaqramda, həm TikTokda mənə dəstək verib, şərhlər yazıb. Çünki hər şey göz qabağındadır. Amma bir qadın girib belə bir şərh yazıb.
 

 
Və tam səmimi deyirəm, əgər mama mənə bu şərhi atmasaydı ki, “bunu yazan sənin doğma bibin qızıdır, onu oradan sil”, həyatım boyu bu qadının mənim qohumum olduğunu bilməzdim. Yəni nə tələbə olanda, nə xaricdə yaşadığım vaxtlarda, nə də gəlib burada bir il işsiz qaldığım dövrdə bu insan bir dəfə də olsun məni axtarıb soruşmayıb ki, bəlkə nəyəsə ehtiyacın var, dərslərin necədir, işin necədir, sağlamlığın necədir? Bu insanın mənə nə maddi, nə mənəvi cəhətdən bir qəpik, bir qram xeyri dəyib. Amma indi yazır ki, “səni tanıyıram”. Hardan tanıyırsan məni? Necə tanıyırsan? Mən səni xatırlamıram. Çöldə-bayırda görsəydim, heç bilməzdim ki, sən mənim doğma bibimin qızısan. Və səni burada paylaşıb biabır edə bilərdim. Anasan, uşaqların var, müəlliməsən, şagirdlərin var. Sadəcə olaraq onu demək istəyirəm ki, qurban olasan, qurban olasız hamınız, mənim o bəyənmədiyiniz anama! Qurban olasan o yaşlı bibimə! Ona görə səni paylaşmır və biabır etmirəm. Amma yenə deyirəm, bir də hansısa qohumumun belə bir şərh yazdığını görsəm, özünüz görəcəksiz!”
 
Xatırladaq ki, bir neçə gün öncə Aygül Quliyeva ilə psixoloq Samirə Bağırova arasında sosial şəbəkələrdə qalmaqal yaşanmışdı. Səbəb Quliyevanın yazıçı Elxan Elatlının “Şantaj” adlı kitabındakı bir hissəni tənqid etməsi olub. Psixoloq isə bu tənqidə sərt və təhqiramiz ifadələrlə cavab verib.
 
O, Elxan Elatlının “Qızıl Qələm” mükafatı sahibi olduğunu qeyd edərək Aygül Quliyeva haqqında aşağılayıcı ifadələr işlədib:
 
“Bilinmir hansı kökdən gəlir. Bir az da araşdırsan, ulu nənəsi erməni çıxacaq. 62 yaşında, ömrünü yazıçılığa həsr etmiş bir insanı tənqid edir. Heç bir kitabını oxumayıb. Tərbiyə görməmiş biri gəlib azad-azad danışır. Tüpürəsən belə tərbiyəyə. İzləyicilərinə də ar olsun, onun tayıdırlar. Sən kimsən ki, belə fikirlər səsləndirirsən?”
 
Aygül Quliyeva təhqirlərə görə Samirə Bağırovanı məhkəməyə verdiyini qeyd edib. O həm də bildirib ki, dövlət qurumlarına müraciət edəcək və Samirə Bağırovanın psixologiya üzrə təhsilinin və lisenziyasının olub-olmamasının araşdırılmasını tələb edəcək.