Yenilik.Az
www.Yenilik.Az » Cəmiyyət » Məmurdan əməli ilə bağlı suallara məsuliyyətsiz AÇIQLAMA

Məmurdan əməli ilə bağlı suallara məsuliyyətsiz AÇIQLAMA

Məmurdan əməli ilə bağlı suallara məsuliyyətsiz AÇIQLAMA
2026-01-20 , 13:58

İki gündür Sumqayıtda küçə ticarətinə qarşı keçirilən reyd zamanı məmurun satıcıya qarşı kobud davranışı və yol kənarında yerləşdirilmiş meyvələri müsadirə etməsi geniş müzakirələrə səbəb olub.


Yenilik.az Qafqazinfo-ya istinadən xəbər verir ki, məsələ ilə bağlı Sumqayıt Şəhər İcra Hakimiyyətinin İstehsal və xidmət sahələri sektorunun baş məsləhətçisi işləyən həmin məmurla əlaqə saxlanılıb.
Maraqlıdır ki, tənqid hədəfinə çevrilən hərəkətlərinə aydınlıq gətirməsi gözlənilən məsləhətçi Samir Bədəlov müxtəlif bəhanələrlə sualları cavablandırmaqdan imtina edib:
“Nə olub, nə hadisə baş verib? Bilmirəm, nə deyirsiniz. Tədbirlərlə bağlı sualınız varsa, buyurun. Yoxdursa, sağ olun. O barədə başqa vaxt danışarıq”, - deyə baş məsləhətçi bildirib.
Qeyd edək ki, məsələ ictimailəşdirildikdən sonra satıcının meyvələri özünə geri qaytarılıb.

Redaksiya ilə əlaqə: (+994) 50 295 94 79 | [email protected]
OXŞAR XƏBƏRLƏR
XƏBƏR LENTİ

Materiallardan istifadə edərkən sayta mütləq istinad olunmalıdır. Bütün hüquqlar qorunur.