Eynulla Fətullayev “Ağabala”nı da satdı - FOTO

Eynulla Fətullayev Bakıda fəaliyyət göstərən məşhur “Ağabala” restoranını da satıb.

Yenilik.az xəbər verir ki, bu barədə o, sosial şəbəkələrdə haqqında yayılan məlumatlara münasibət bildirərkən açıqlama verib.

Eynulla Fətullayev bildirib ki, “Ağabala” restoranını çoxdan satıb və hazırda Bakıda heç bir biznesi qalmayıb.

Onun sözlərinə görə, paytaxtda hər hansı kommersiya fəaliyyəti yoxdur.

Qeyd edək ki, son günlər Eynulla Fətullayevin rəhbəri olduğu Haqqın.az informasiya portalını satması ilə bağlı məlumatlar yayılmışdı. Daha sonra həmin məlumat təsdiqlənib. Bildirilib ki, media resursunun yeni sahibi vəkil və partiya sədri Adəm İsmayılovdur.

Beləliklə, məlum olur ki, Eynulla Fətullayev təkcə media sahəsindəki aktivini deyil, eyni zamanda Bakıda fəaliyyət göstərən məşhur “Ağabala” restoranını da satıb.

Elnur, BakuPost