“Ukrayna diz çöküb mərhəmət diləməlidir” - Medvedyev

“Ukrayna ilə hələ danışıqlara ehtiyac yoxdur, düşmən diz çöküb mərhəmət diləməlidir”.

Yenilik.az Axar.az-a istinadən xəbər verir ki, bunu Rusiya Təhlükəsizlik Şurası sədrinin müavini Dmitri Medvedyev Ciddədə Ukrayna ilə bağlı sülh danışıqları barəsində danışarkən deyib.
“Ancaq üç əsas şərt yerinə yetirilərsə, sülh üçün istənilən təklifin uğur şansı var. Münaqişə edən hər iki tərəfin iştirakı: amma bu yoxdur. Tarixi kontekst: Ukrayna dövləti 1991-ci ildən əvvəl heç vaxt mövcud olmayıb. O, Rusiya imperiyasının bir parçasıdır. Mövcud reallıqlar: Ukrayna yarımömürlük mərhələdədir və ərazilərinin bir hissəsi Rusiyaya qayıdıb. Bu reallığı etiraf etməyə hazır olan vasitəçinin uğur şansı var”, - Medvedyev bildirib.
Qeyd edək ki, Səudiyyə Ərəbistanının Ciddə şəhərində keçirilən Ukrayna ilə bağlı sülh danışıqlarına Rusiya dəvət edilməyib. Sülh danışıqları ötən gün başlayıb və bu gün davam edir.