Ramzan Kadırovun vəziyyəti ilə bağlı SON XƏBƏR

Rusiyalı müxalif siyasətçi Olqa Kurnosova deyib ki, Çeçenistan rəhbəri Ramzan Kadırov həqiqətən ağır xəstədir - onun böyrək çatışmazlığı var. 

Lent.az xarici mediaya istinadən bildirir ki, onun sözlərinə görə, o, hazırda Mərkəzi Klinik Xəstəxanada dializdədir.
"Biz bu vəziyyətin kritik olub-olmadığını yalnız nəsə baş verəndən sonra görəcəyik - hətta vəziyyət terminala yaxın olsa belə, biz bu barədə yalnız faktdan sonra öyrənəcəyik", - Kurnosova qeyd edib.Eyni zamanda, o, ilk növbədə Kadırovun ölümü ilə bağlı məlumatın Çeçenistanda yayılacağına inanır. Kadırovun şərti varisi olan başqa bir şəxs isə respublikada vəziyyəti nəzarətdə saxlamaq üçün hər kəs tərəfindən o qədər də birmənalı qarşılanmayacaq.
Kurnosovanın sözlərinə görə, vəziyyəti daha da gərginləşdirən qonşu Dağıstandır, orada vəziyyət kifayət qədər gərgindir - elektrik, su və başqa məsələrlə bağlı çoxlu problemlər var və etiraz aksiyaları keçirilir. Və bir çox cəhətdən orada vəziyyət Çeçenistan təhlükəsizlik qüvvələrinin köməyi ilə saxlanılır.
"Kadırovun başına bir şey gəlsə, bütün Şimali Qafqaz alov içində qala bilər. Bu mənada ölümü uzun müddət gizlətmək mümkün olmayacaq", - o əlavə edib.