Fransanı bürüyən taxtabitilər Londonadək yayılıb

Londonda taxtabiti dişləməsi ilə bağlı hallar 70% artıb.

Bu barədə yerli dezinfeksiya xidmətinin məlumatlarına istinadən xəbər yayılıb.
Təşkilatın məlumatına görə, 2021-23-cü illər arasında taxtabitilərin olduğu təsərrüfatların sayı əhəmiyyətli dərəcədə çoxalıb.
Bildirilir ki, taxtabitilərin yayılma sürəti insanların kütləvi şəkildə səyahət etdikləri yay fəslində xüsusilə yüksəlib.
Hazırda həşəratlar tez-tez nəqliyyatda və ya xəstəxanalarda görünür.
Mikrobioloq David Keynin sözlərinə görə, Londondakı problemin miqyasını Parisdəki oxşar problemlərlə müqayisə etmək olar.
Ekspertin fikrincə, fərq ondadır ki, Fransa paytaxtının sakinləri problemdən danışır, ingilislər isə bu barədə susmağa çalışırlar.