“İndiki gənclər cinsi təlabatını ödəmək üçün ailə qurur” - Aydın Sani

"Boşandıqdan sonra düşünürlər ki, sanki bunlar üçün böyük bir həyatın qapıları açılır”.

Bu sözləri AZXEBER.COM-a müsahibəsində müğənni Aydın Sani deyib.
Boşanmaların sayının çoxluğuna diqət çəkən sənətçi sözügedən məsələdə ətraf mühitin rolundan danışıb:
"İndiki gənclər sanki əyləncə üçün evlənirlər. Qadın kişini, kişi də qadını bilmək üçün. Sanki bunun üçün yeganə vasitənin evlənmək olduğunu düşünürlər. Ailələr evlənək, sonra boşanarıq prinsipi ilə qurulur. Və boşandıqdan sonra sanki bunlar üçün böyük bir həyatın qapıları açılır. Çılğın yaş dövründə onların arasında alovlanan bu hissləri söndürmək üçün evlənirlər. Biz gənclərə başa salmalıyıq ki, heç nə üçün tələsməyin. Qarşınızda gözəl bir ömür var. Amma mən tez ailə qurmuşam, 24 yaşında övladım var. Mənə deyərlər bəs sən özün niyə? Mən yaxşı ki, də bunu tez etmişəm. Biz iki gənc olaraq həyatda birlikdə mübarizə aparmışıq”.