“2 milyon azərbaycanlı narahatdır” – Rəqsanə Rusiyadakı vəziyyətdən danışdı

“2 milyon azərbaycanlı olaraq, biz burada çox narahatıq”.

Yenisabah.az xəbər verir ki, bu sözləri müğənni Rəqsanə İsmayılova deyib. O, Rusiyada olan vəziyyətlə bağlı paylaşım edərək, bunları deyib:
“Bu paylaşımı etməyi özümə borc bilirəm və bir çox azərbaycanlıların fikirlərini sizə çatdırmaq istəyirəm. İnstaqram, Tiktok hesabında oturan bəzi istifadəçilər və jurnalistlər, səhifələrinizin izlənməsi üçün bu dərəcədə paylaşımlar etməyin. Düşünün ki, Rusiyada 2 milyondan çox azərbaycanlı var və onlar burada çörək qazanır. Hər bir ölkənin vətəndaşının sahibi var. Bizim də sahibimiz Azərbaycan Respublikasının dövlət başçısıdır. Təbii ki, bu belə getməyəcək. Hər kəsə kömək olunacaq. Rəhmətə gedəb qardaşlar hamımızın yaralı yeridir, bizim üçün böyük bir faciədir. Amma mən düşünürəm ki, siz belə paylaşımlar edərək, burada olan insanların yerini daha da soyuqlaşdırırsınız. Dördpendirli pizza
Burada 2 milyondan çox insanın taleyi həll olunur. Burada körpələr, qadınlar var. Bazarlarda xeyli insan çalışır. Gəlin, bizim ölkə başçımız hansı addımı atacaqsa, vətəndaşlarımıza hansı yol göstəriləcəksə, onda danışaq. Dövlət kanallarında danışılır, izləyirik, amma sosial şəbəkələr biabırçılıqdır. Millətinizi, xalqınızı, azərbaycanlıları düşünün. Bu olanlar bizə də xoş deyil, amma biz burada yaşayırıq. Bizi nəzərə almaq lazımdır. Mən siyasətçi deyiləm, siyasətdən də başım çıxmır. Amma bildirmək istəyirəm ki, burada yaşayan azərbaycanlıların hamısı narahatdırlar. Tezliklə, bu məsələnin aradan qaldırılmasını istəyirik ki, hər kəs öz çörəyini qazanmağa davam etsin. Düşünürəm ki, bu belə də olacaq. Çünki bizim dünyada ad qazanmış ölkə rəhbərimiz var”.